Fiskur

I have never! ...

Þið sem hafið skoðað myndasíðuna hafið örugglega velt fyrir ykkur hvaða undarlegi fiskur þetta sé. Það var nefninlega þannig að við Jón fórum á álitlegan veitingastað á Nyhavn og þjónninn mælti einstaklega vel með fiski dagsins. Ég er mikið fyrir sjávarfang svo ég skellti mér á hann. Þegar hinsvegar fólkið á næstu borðum var farið að fá undarlega útbúin fisk á borðið sitt og var farið að líta flóttalega í kringum sig, þá fóru að renna á mig tvær grímur.

Þetta gat ekki verið rétturinn sem ég pantaði, nei gat það nokkuð verið... nei örugglega ekki, þetta er örugglega svona delicassí sem skrýtna fólkið sem pantar sér gufusoðna snigla biður kokkinn sérstaklega um.. en þá er undarlega mikið af slíkum gourmet unnendum hérna..

Jú jú, að lokum kom þjónninn með matinn minn.

Ég sakna íslenska lambsins..

Myndasíða

Loksins erum við komin með myndasíðu:) http://public.fotki.com/jonogbryndis/

Myndavél!

Ég var að kaupa mér myndavél!


Hún er alveg frábær, heitir Nikulása D. Fjörutíu og er fjallmyndarleg :D

Sigga var hjá mér um helgina, við skemmtum okkur alveg konunglega en það er alveg greinilegt að við erum að fara í vikulangt detox... meira um það seinna..

luv. B

Neytandinn

Jæja

Það er ekki hlaupið að því að fá afgreiðslu í dönskum bönkum fyrir útlendinga eins og mig. Reyndar er enginn AML spurningalisti:) Við fórum í banka, og af því maður er vanur að vera í stórum banka hélt ég að slíkt hið sama ætti við hér í útlöndum. Fórum í Nordea við Nörreport, af því það er svo miðsvæðis. Þurftum að skrifa nöfnin okkar á heilan helling af pappír eins og við er að búast og svo bara þetta samtal.
Nordea "Já takk bæ" ...
Jeg "hmmm getur maður fengið svona DanKort eins og allir tala um?"
Nordea "Nei við gerum ekki svoleiðis í Nordea, fyrst verðuru að sýna frammá reglulegar tekjur í 6 mánuði"
Jeg "ok en ég get ekki fengið námslán fyrr en eftir nokkra mánuði, ég get kannski lagt inn á reikninginn einhverja upphæð til að tryggja ég fái kortið?"
Nordea "Nei þú verður að vera með tekjur, hvað eru námslán?"
Jeg "Tekjurnar mínar"
Nordea "Þú getur ekki lifað á lánum"
Jeg "Segðu Íslenska ríkinu það"
Nordea "Hvad siger du?"
Jeg "Ikke noget, ok þetta er semsagt kort sem maður getur notað útí búð og á netinu?"
Nordea "Já að sjálfssögðu svo virkar það líka í Hraðbanka, litli snáði"
Jeg "Ok það er hægt að greiða með þessu allstaðar?"
Nordea "Já allstaðar, engin vandamál"

Síðar fengum við Pin númer fyrir netbankann og frábært Pin númer fyrir kortið (samt ekki betra en fyrsta pin númerið mitt sem var 3333) og kortið sjálft. Gátum frekar auðveldlega látið allt virka þannig maður færi að halda nú væri þetta bara komið, næst væri komið að því að læra heima og mæta í skólann:)

Því miður er hins vegar ekki hægt að nota þetta kort til að kaupa nokkurn skapaðan hlut í nokkurri búð né netverslun.

Eins gott maður er með Kaupþingskortið sitt:)

Léleg!

Rosalega byrjum við illa með þetta blogg!

Maður hefur bara einhvernveginn ekki lagt í það að koma því af stað, þar sem það er svo margt annað um að hugsa í öllum þessum flutningum og breytingum.

En nú er allt farið að smella saman, rúmið komið og sófinn, og sjónvarpið og fötin kominn að mestu leiti inn í skáp (lítill skápur, torgar ekki öllum flíkunum...) og þá getum við hafist handa við að koma af stað netlífinu okkar.

Nú verða sagðar fréttir.

Fodedgården 9, 1 th

2200 Köbenhavn N

Hér búum við.

Íbúðin er æðisleg, risastórir gluggar, rúmgott eldhús (æði þar sem ég er komin með eldunarbakteríu), stofan og svefnherbergið smellpassa utan um nýju húsgögnin.. og svo er baðherbergið frááábært. Málið er að þetta er svona "Ældrebolig" sem þýðir - já - við erum flutt inn á elliheimili.

Það þýðir líka að allar hurðir eru ekstra stórar til að hjólastólar komast þar í gegn... og þessvegna er baðherbergið líka svona stórt - við með risa handföng hliðina á klósettinu og sturtunni, sem eru alveg kjörin vilji maður halla sér aðeins á meðan náttúran sér um sig.

Sófakartöflur!

Þetta er nýji sófinn okkar.

Við vorum fyrst í örgustu vandræðum með að finna sófa því okkur vantaði einhvern sem myndi henta okkur en einnig gestunum okkar = svefnsófi. Svefnsófar eru dýrir, og oftast hvorki sérstaklega flottir né þægilegir.

Eftir tvær árangurslausar ferðir í IKEA var komið að því að flytja inn í nýju íbúðina, en fram að því höfðum við fengið að vera í stúdíóíbúðinni hennar Sigríðar (já ég kallaði þetta stúdíóíbúð og þú getur ekki tekið það til baka ! ).

Við vorum samt ekki með neitt til að sofa á, þar sem við höfðum ekki getað komist að neinni niðurstöðu með svefnsófann. Við drifum okkur því niður í bæ til að kaupa vindsæng sem við gætum verið með til bráðabirgða. Það hinsvegar vildi svo skemmtilega til að við fundum þessa svakalegu vindsæng í Jysk, 50 cm á hæð og jafn stór og lítið hjónarúm, með rafmagnsuppblásara (velkomin á 21. öldina;), og bara mjög þægileg til legu.

Til að gera langa sögu stutta þá fleigðum við því svefnsófahugmyndinni niður ruslrennuna og fundum okkur í stað sófa sem okkur langaði meira í ...og kostaði mun minna :)

Við erum bæði búin að kaupa okkur hjól:-D

Mitt hjól er svona "Damecykel" með körfu og fiðrildahljóði og góðri lykt (..eða amk með körfu), og hjólið hans Jóns er stórt og hraðskreitt og svart.

Myndin hér að ofan er úr hjólatúr sem við tókum um daginn í kringum Amalíenborg höll að ég held.

Það er frábært að vera á hjóli hérna, maður fær mikla hreyfingu út úr því og er fljótur að fara út um allt. Það versta er kannski vindurinn, t.d. fór ég áðan út í búð til að kaupa í súpu fyrir Jón, sem er veikur - ég skellti mér bara í stígvélin og vestið mitt og dreif mig af stað.

Ég var í pilsi sem nær alveg niður fyrir hné, er oft búin að hjóla í því - en heppnin var ekki með mér. Þegar ég var að hjóla yfir gatnamót Jagtveg og Tagensveg (stóór gatnamót) þá fauk pilsið upp á bringu, og sú hugsun flaug eins og elding í gegnum hausinn á mér að ég hefði nú átt að fara í sokkabuxur.

Engin slys urðu sem betur fer á fólki, en ég held að ég hafi bjargað deginum fyrir nokkrum.

Ég held ég muni fara huldu höfði næstu dagana.

Það verða ekki fleiri fréttir að sinni, ég er að vinna að því að setja upp myndasíðu, ef þið vitið um góðar myndasíður sem ég get búið til aðgang á, þá endilega látið mig vita.

Ciao - súpan bíður!