Kjúklingur

Bryndís er að elda meistarajkúlla, meðlætið er svo flókið ég nenni ekki að útskýra það.

Lífið er gott

Gulrótarbollur

Nú er komið að fyrstu uppskriftarfærslunni - dadadadammmm!

Í dag ætlum við að búa til gulrótarbollur. Eins og í öllum góðum matreiðsluþáttum er ég þegar búin að setja öll hráefni í skál, reyndar komin svo langt að ég er búin að borða allar bollurnar.. en hvað um það, þetta er netið og þar er allt leyfilegt.

Gulrótarbollur a la internet somewhere

50 gr smjör eða olía

4dl mjólk

1dl súrmjólk

1 pakki þurrger

2 tsk salt

2 tsk sykur

2 tsk rifnar gulrætur

50 gr hveitiklíð

ca 500 gr hveiti

Egg til að pensla með

Smjörið brætt í potti og mjólk bætt út í, hita smá saman, ekki sjóða.

Blandan sett í skál, bæta við súrmjólk og þurrgeri, hræra vel.

Næstum allt hveitið og restin af þurrefnunum blandað út í og öllu velt og hvolft saman, látið lyfta sér undir blæju (eða viskustykki) í klukkutíma.

Deigið sett á hveitilagt borð og hnoðað vel. Búa til meðalstórar bollur, þetta voru um 23 stykki hjá mér, setja á ofnplötu með smjörpappír.

Pensla með eggi, og strá t.d. hörfræjum yfir

Baka við 200° í 20-25 mínútur.

Borið fram með smjöri, áleggi eftir smekk, og köldu glasi af mjólk.

Bon apétite!

Matseld

Í fyrsta skipti í lífinu er ég komin með áhuga á matseld.

Maður hefur svo miklu meiri tíma til umráða hérna úti en heima, sem þýðir að ég er farin að elda og baka, og farin að taka miklu meiri myndir, og nú langar mig rosalega í hljómborð svo ég geti farið að glamra og æfa mig í rómantískum ástarballöðum fyrir alla komandi sunnudaga á Sams bar - ég er nefninlega karókídrottning í fæðingu..

ú baby baby baby, ooh baby luuuv..

Ég var jafnvel að hugsa um að fara að setja einhverjar uppskriftir hérna inn, svo getum við jafnvel haft sambakstur í gegnum netið á föstudagskvöldum, vei! :D

Hérna eru nokkrar matarmyndir:

Síðan set ég að sjálfsögðu fleiri myndir á myndasíðuna :)

Fiskur

I have never! ...

Þið sem hafið skoðað myndasíðuna hafið örugglega velt fyrir ykkur hvaða undarlegi fiskur þetta sé. Það var nefninlega þannig að við Jón fórum á álitlegan veitingastað á Nyhavn og þjónninn mælti einstaklega vel með fiski dagsins. Ég er mikið fyrir sjávarfang svo ég skellti mér á hann. Þegar hinsvegar fólkið á næstu borðum var farið að fá undarlega útbúin fisk á borðið sitt og var farið að líta flóttalega í kringum sig, þá fóru að renna á mig tvær grímur.

Þetta gat ekki verið rétturinn sem ég pantaði, nei gat það nokkuð verið... nei örugglega ekki, þetta er örugglega svona delicassí sem skrýtna fólkið sem pantar sér gufusoðna snigla biður kokkinn sérstaklega um.. en þá er undarlega mikið af slíkum gourmet unnendum hérna..

Jú jú, að lokum kom þjónninn með matinn minn.

Ég sakna íslenska lambsins..