2. júní

Áramótaheit lokið

2008-12-22T18:58:00.004+01:00

Það er reyndar um 7 klukkustunda session eftir, og það er tími sem ég ætla að nýta á betri hátt. Markmiði ársins er náð, ég er bara búinn að róa 453 km sem hefur komið mér í afar gott form og látið mér líða vel. Kláraði 37 kílómetra síðasta legginn, ætlaði í maraþon en hendurnar neituðu. Þannig ég ætla að jafna ríflega 1000 km ferðalagi ársins á reiðhjólinu, uppí restina af 500 kílómetrunum. Það ætti að nægja.

Komum til landsins á morgun, Óskum öllum gleðilegra jóla og farsældar á komandi ári:)

Jón og Bryndís

83 km eftir

2008-12-13T14:32:00.000+01:00

15 km í einum bita, laangt

98 km eftir

2008-12-11T15:57:00.001+01:00

Þetta hefst

Jólin nálgast

2008-12-07T21:51:00.001+01:00

118 eftir

2008-12-04T18:52:00.001+01:00

Ætlaði í 20 km í dag en hætti eftir 10.... ef ég fer á hverjum degi næ ég þessu.

12 skipti eftir.

128 eftir

2008-11-29T16:29:00.001+01:00

Jæja þetta gengur hægt, 10 km á dag er hámarkið ef maður ætlar að halda stöðugleikanum í ferlinu.

352

2008-11-22T15:22:00.001+01:00

Bara 148 kílómetrar eftir til áramóta, reyndar hef ég bara til 23. des þar til maður fer í flug heim.

Þetta hefst ef ég fer annan hvern dag og tek 10 km í hvert skipti

Hjálmar á hausa

2008-11-02T21:53:00.003+01:00

Þar sem við viljum vernda hausinn í hjólaumferðinni í Köben, höfum við nú keypt okkur hjólreiðahjálma. Tókum upp þetta video eftir kaupin, sjáiði bara hvað Bryndís er ánægð:)

Nú getur maður farið yfir á rauðu og svínað á allt og alla án þess að hafa áhyggjur, bara æpa nokkur vel valin dönsk blótsyrði á Baunana þegar þeir reyna að laga hegðunina.

Nei við hegðum okkur:)

Ég tók líka upp 360° af sjálfum mér.

Kebab

2008-10-22T17:34:00.003+02:00

Kebab

Ég og Binni tókum shawarma fyrir FCK leik um daginn. Það var mesta snilld, eins og sést á fjölda krydda var þetta sterka gerðin.

Að sjálfssögðu vorum við í FCK búningum á meðan.

Harður bransi

2008-10-20T23:10:00.004+02:00

Bryndís bauð mér í Tívolíið á ljósanótt, fékk þetta í gegnum fínu vinnuna sína hjá E&Y. Við skemmtum okkur eins og kóngar, sjá mynd með slik í munni:)

Já lífið gengur sinn vanagang hjá okkur sambýliskornunum, skóli og svona. Mesta vandamálið er þrálát sprungin dekk á hjólinu mínu.

Það dettur inn próf á föstudag, mér finnst ég hræðilega lélegur að læra. Er samt ekki eins lélegur og bekkjarfélagi minn, Kani, sem næstum því grenjaði þegar hann bað mig um að lána sér glósurnar mínar. Af því hann sagðist vera gersamlega fallinn og ekkert gæti bjargað honum, ekki einu sinni að nota næstu 4 daga til að redda sér... skil ekki svona. En hvað er það annars að reyna að fá glósur annarra? Glósurnar mínar eru greinilega frábærar, mér fannst þær skítur þangað til hann rendi yfir þær. Ég hefði aldrei nennt að renna yfir glósur annarra... en nóg um neikvæðni.

Lífið er gott:)

332

2008-10-02T16:08:00.001+02:00

332 kílómetrar af 500 komnir í hús, það er búin að vera mikil leti undanfarið.

Endurkoma í Kaupmannahöfn

2008-08-20T17:08:00.014+02:00

Komin til baka á elliheimilið á Fogedgården, gamla fólkið mjög áhugasamt um ferðalög okkar í sumar. Maður fær tækifæri til að æfa dönskuna og ramba inná réttan skilning með stundum löngum samtölum.

Maður var kominn í góða rútínu eftir veturinn með sitt danska líf áður en við fórum eftir prófin til Íslands. Sjáiði bara hvað ég var danskur. Fékk þessar grifflur í hjólabúð á 25 danskar. Ætlaði að nota þær í ræktinni en vissi það alveg þegar ég keypti þær að ég myndi aldrei aldrei aldrei láta sjá mig í ræktinni með þessa viðbjóðslegu hanska.

Veit ekki alveg af hverju ég pósta þessari mynd á bloggið en mér finnst lesendur eigi skilið að sjá hana.

Fyrsta árlega 17. júní grillið var haldið hjá okkur í sumar. Anna og Óskar voru í heimsókn með Atla Dag. Hrönn og Jói komu með Viktoríu og Grétar ásamt Sabba, Kára og Sigríði. Íslenskt lambakjöt var á boðstólum ásamt dönskum pullum og öðru meðlæti.

Heima á Íslandi skelltum við í Sushi bita við mikinn fögnuð

Að sjálfssögðu gerðist margt annað en hver hefur tíma til að útlista það?

Rétt er að taka það fram að ég tók að sjálfssögðu góða bendingu úti á landi, í bústað afa og ömmu hennar Bryndísar. Sjá hér fyrir neðan.

Freydís og Sigga komu í heimsókn til Bryndísar eitt kvöldið og fiktuðu í hárinu á henni.

Millilentum á Kaupmannahöfn áður en við héldum til Ungverjalands. Borðuðum þetta einn daginn.

Afar ljúffengt, sérstaklega í hitakófinu sem var hérna í lok júlí. Ísbirnirnir héldu sig í vatninu yfir hádegið.

Sjáiði hvað við erum flott kóngafólk? Frederik og Marie hvað.

308/500

2008-08-03T23:20:00.000+02:00

Ungverjaland á miðvikudaginn.

KOMST INN!!!

2008-07-30T11:18:00.001+02:00

Ég á ekki til nógu stóran broskall fyrir þetta innlegg .. :-D

Tilbud om studieplads ved CBS 2008

Bryndis Jonatansdottir

Du har sagt ja tak til en studieplads på uddannelsen BSc in Business Administration and Service Mgt.

Vi byder dig velkommen på Handelshøjskolen i København !

Note to self

2008-07-25T14:01:00.000+02:00

273 af 500

Ég náði!

2008-06-27T01:50:00.001+02:00

Ég náði þýskuprófinu :D

veiveiveiveiveiveivei

Er komin til Íslands and I'm likingit

Komin í siðmenninguna

2008-06-25T17:26:00.002+02:00

Loksins komin í mánaðardvöl á Íslandi.

Skemmtileg reynsla að hlusta á X-ið og heyra harða umræðu um efnahagsstjórn landsins, minnist þess ekki að hafa heyrt jafn fréttatengda umræðu á X-inu.

En það er kannski til marks um stemminguna.

17 júní, gestir og nýjar myndir!

2008-06-19T00:44:00.003+02:00

Fengum góða vini til okkar í heimsókn í gær í tilefni þjóðhátíðardagsins, elduðum ekta íslenskt lambalæri og sátum fyrir utan, rosa kósý.
Síðan gistu Anna, Óskar og Atli Dagur ofurprins hjá okkur :)

Getið séð heil tvö ný albúm ef þið farið inn á Myndasíðan yngri hér til hægri !

Svo er ég búin í prófum á föstudag (á morgun), vei! :D

267 af 500

2008-06-16T14:57:00.002+02:00

Sídasta prófid á morgun, svo er heimferd uppá Frón thar sem vid verdum i tæpan mánud.

Fyndid ad thad sé til annad ord yfir Ísland. Frón, hafdi ekki pælt i thessu ádur. Google skilar ekki neinni skýringu thegar ad thessu er leitad.

En vid erum jú Frónbúar alveg eins og vid erum Íslendingar.

Já prófid á morgun er um samskipti í félögum. Ég er ad undirbúa ræduna, en vard ad láta vita af gangi ródursins.

2 júní

2008-06-02T01:14:00.002+02:00

Í dag er 2 júní og við Jón eigum 2ja ára afmæli:)

"Þau eiga afmæl'í dag, þau eiga afmæl'í dag!"

Veiii:D

...en Jón er á Íslandi , svo fögnuðurinn hefst ekki fyrr en á miðvikudag:(

Salamu!

2008-05-29T14:03:00.002+02:00

Þetta þýðir Greetings! á Swahili:)

Er næstum búin í prófunum, á bara hlustun og munnlegt eftir í dönsku, svo ég ákvað að nýta tímann áður en ég færi heim í að læra Swahili.

Ég las nefninlega að það væru um 70 eða 80 milljón manns í Afríku sem tala Swahili, reyndar ekki allir sem fyrsta tungumál, en þetta átti víst að vera svar Afríkubúa við enskunni. Tungumálið varð til mest í strandbæjum þar sem mikið var um verslun við útlendinga þegar samskipta varð að sjálfsögðu þörf. Ef þið hafið áhuga á að læra meira um þetta hlýtur að vera eitthvað um þetta á netinu, sjálf las ég greinina í Politiken.

Ég fann sniðugt forrit á netinu sem hjálpar til við tungumálalærdóm, BYKI.com er með ókeypis tungumálaforrit fyrir helling af tungumálum, og þetta er mjög einfalt og þægilegt forrit, þar sem glósuspjöld eru notuð.

Hérna eru helstu orðin og orðatiltækin sem ég er búin að læra:
(mismunandi hvort þau eru með stórum eða litlum staf, skrifa bara eins og er í forritinu)

bwana = herra
bibi = frú
Salamu = Greetings!
Lala salama = góða nótt
Hujambo = hæ
Habari za asubuhi = good morning

Í forritinu lærir maður líka framburð, svo ef þið eruð áhugamenn um tungumál þá mæli ég eindregið með þessu:)

Kwaheri!
Bryndís

Junk Mail

2008-05-24T14:29:00.001+02:00

Fékk þennan tölvupóst sendan í morgun. Gaman.

Hello ,

My Name is Miss.Cloudy Babingui from Rwanda in Africa presently residing in Dakar senegal. I was impressed seek for my soul mate, and also i like to establish a long lasting relationship with you. In addition,i will like you to reply me through my private email box(baby_clou@yahoo.ie) so that i will give you my picture and more about me.Thanks waiting to hear from you soonest. Love,

Miss Cloudy

Próffótur

2008-05-15T17:37:00.003+02:00

Ligg uppi í sófa með fótinn uppi og er að læra fyrir próf.
Er að fara í þýskupróf og dönskupróf eftir helgi.
Ég veit að það er ekkert sérstaklega efektívt að reyna að læra liggjandi uppi í sófa, en ég eiginlega get ekkert það því gert.

Ég lenti nefninlega í því óhappi síðastliðinn sunnudag að snúa mig aftur.
Eins og einhverjir vita þá fór ég á hestbak í Ungverjalandi um páskana, hesturinn minn bilaðist og ég neyddist til að stökkva af honum á fullri ferð. Þetta var án efa versta lífsreynsla ævi minnar. Raunar vorum við 3 sem enduðum á jörðinni, frændi minn stökk líka og hestur kærustunnar hans henti henni af baki eftir að hún hafði barist hetjulega við að halda sér á baki. Sem betur fer slasaðist enginn, en ég lenti svo illa á fætinum að hann snérist illa.

Raunar snérist hann svo illa að þeir læknar sem ég hef hitt eða hafa séð myndir af honum höfðu sjaldan séð annað eins. Getið dæmt sjálf af myndinni, svona leit fóturinn út 5 dögum eftir óhappið:
Ég var komin í ágætis hlaupagír áður en við fórum til Ungverjalands og var því pirruð á að þurfa að bíða lengi með að byrja aftur, en fyrir svona tveimur vikum síðan byrjaði ég að geta hlaupið á hlaupabretti, þó ég væri ekki orðin alveg góð.
Því miður fór ég aðeins of hratt af stað. Ákvað síðasta sunnudag að þar sem veðrið væri svona gott ætlaði ég að hlaupa í Fælledparken í staðin fyrir á hlaupabretti inni.
Vegirnir í garðinum eru mjög ójafnir, svo þegar ég var að hlaupa inn á milli trjáa á einum stað þá lenti ég í smá holu og ...bamm...komin í jörðina.
Bólgnaði sem betur fer ekki jafn mikið upp, mest bara í kringum kúluna, en það var dáldið fyndið að það var eins og það væri golfbolti út úr fætinum mínum:)

Og þessvegna ligg ég uppi í sófa og er að læra, í stað þess að tildæmis sitja við borð og læra.

Tschüss!

Nýjar myndir!

2008-05-11T02:25:00.003+02:00

Nýjar myndir frá Slóveníu ferðinni okkar:)

Inni á Myndasíðan yngri, linkur hér til hægri ---------->

Gaman á ströndinni

2008-05-11T00:33:00.002+02:00

Hjóluðum með Sigríði, Degi, Þórunni og Ladda á Amagerstrand í dag, í 25°C, það var fullt af fólki á ströndinni. Dýfðum okkur í sjóinn og láum og spjölluðum yfir grilluðum pylsum. Ég er reyndar smá yfirsólaður en maður verður að redda sér Base Tan fyrir sumarið.

Farin á ströndina

2008-05-10T12:21:00.001+02:00

Þ.e.a.s. Amagerstrand.

On with the gunnar

2008-05-07T21:53:00.001+02:00

215 kílómetrar búnir af 500 sem þurfa að nást 2008.

Nenni ekki að muna tímann lengur en hann er góður

Versalir fyrir ári

2008-05-05T00:42:00.003+02:00

París

2008-05-05T00:37:00.003+02:00

Á þessum tíma fyrir ári vorum við í París, wunderschön, þar var sól og 20°c hiti.
Upp á síðkastið er líka búið að vera 20°c hiti hér í Köben, sat úti á kaffihúsi með Sigríði bróðurpartinn af deginum, fann loksins fyrir því að sumarið var komið, því ég þurfti að bera á mig sólaráburð áður en ég fór út, græni húðliturinn ræður ekki alveg við þetta kúltúrsjokk;)

200 km búnir

2008-04-30T20:43:00.002+02:00

Áramótaheitið uppfyllt.

Í gær átti ég 20 km eftir, en þá tók ég endurtalningu og vegna samviskulegrar yfirsjónar voru víst 48 km eftir. Svo ég tók 16 km í gær, man ekki tímann. og 32 km í dag. Það var erfitt en það hafðist.

Myndir!

2008-04-29T00:20:00.002+02:00

Vorum að setja inn myndir frá París '07:)

20 km eftir

2008-04-28T18:57:00.000+02:00

10 km á 48:57 og seinni 10 km á 52:45

40 km eftir

2008-04-26T19:25:00.000+02:00

10 km á 49:34
5 km á 24:06

55 km eftir

2008-04-25T17:26:00.000+02:00

10 km á 48:06 og seinni 10 km á 52:22

75 km eftir

2008-04-24T16:54:00.002+02:00

10 km á 49:22

85 km eftir

2008-04-21T22:55:00.003+02:00

10 km í byrjun ræktar á 49:53 og 5 km í enda ræktar á 23:45.

Eldur!

2008-04-18T00:09:00.003+02:00

Fyrir hálftíma síðan sátum við Jón í sófanum og vorum að sjá smá sjónvarp fyrir svefninn (og ferðina okkar til Slóveníu á morgun) þegar við heyrðum sprengingu.
Ég leit út um gluggann og sagði "Heyrðu, það er byrjað að snjóa!". Nei, þá voru þetta eldagnir sem svifu yfir götuna... þegar við litum út um gluggann héldum við að það væri kviknað í stigaganginum hliðina á okkur, eldurinn náði hátt til himins og speglast í húsinu á móti. Þetta var þó ekki næsti stigagangur, heldur Volvo umboðið hér hliðina á.

Við tókum þetta myndband..

50% búið

2008-04-14T17:37:00.000+02:00

10 km á 48:06

Rækt

2008-04-13T16:13:00.002+02:00

10 km á 47:45
10 km á 49:53

110 km eftir og 17 dagar. Úff þetta verður tæpt.

Tungumálakunnátta

2008-04-08T14:02:00.002+02:00

Erum búin að vera með áskrift að Politiken undanfarna mánuði, æðislegt að lesa dönskuna. En þetta er algjört pappírsflóð, blaðið kemur út í 5 mismunandi brotum og maður þarf að ná matarborðinu tómu til að lesa þetta almennilega.

Því ákváðum við að segja upp áskriftinni. Ég tók mig til og hringdi niðreftir (þó það sé enginn halli niðrí miðbæ) ætlaði að nota frábæra dönskukunnáttu og segja God dag, Jeg har et abonnement hos Politiken men jeg vil ikke fortsætte med det.

Í staðin sagði ég "Guten tag, Ich habe ein..." svo stoppaði ég, ég var að tala þýsku ekki dönsku. Ég skipti snarlega yfir í ensku því þetta kom svo á mig, laumaði meiraðsegja inn "nei ég meina" á íslensku í hita leiksins.

Það er greinilega farið að segja til sín að við horfum á allar bíómyndir með þýsku tali núna.

Ungverjar eru sniðugir

2008-04-04T14:14:00.002+02:00

Eitt kvöldið vorum við á röltinu og í Kesthely (borið fram Kesthey) með bjór í hönd og rauðvín á vörum.

Jafnvel að maður væri að hugsa um að detta inn á næsta bar og kíkja á snyrtinguna... en þá... sá ég þetta æðislega skilti.

Fólk getur farið á klósettið og hangið á netinu á meðan:) Bara í Ungverjalandi hafa þeir Internet Toilette.

Ungverjaland

2008-04-03T22:44:00.002+02:00

Myndir komnar heill hellingur af myndum frá ferð okkar til Ungverjalands.

Þær eru ekki í tímaröð því framleiðendur myndavéla og umsjónamenn myndasíðna hafa ekki pælt í því hvernig það gerist sjálfkrafa.

http://picasaweb.google.com/jonogbryndis

hmm what else?

Hjólandi

2008-04-03T00:30:00.002+02:00

Loksins getur maður byrjað að hjóla aftur eftir þessar útlandavikur. Hjólaði hingað við hliðiná á Parken og kauptaði miða á sunnudagsleikinn á móti MiðJótlandi, þessir mið jósku menn mun ekki koma heilir frá þessari viðureign.

Viva FCK

Annars er gaman að vera komin aftur heim, hundurinn viðhliðina gelti hressilega á mann þegar hann reyndi að komast framhjá hálfopinni hurðinni til að glefsa í mann og Nettó er víst 1,5 sinnum dýrari en Tesco við Balaton vatn.

Til hamingju Sigríður og Andri!

2008-03-31T17:10:00.003+02:00

...með trúlofunina!

Elsku litlu turtildúfur:)

Komið að leiðarlokum

2008-03-30T13:07:00.003+02:00

Sit á flugvellinum í Búdapest að bíða eftir að boarda.
Ferðin er búin að vera æði, er með fullt af sögum og myndum, reyni að smella einhverju á netið á allra næstu dögum.

Hávaði - uppfærsla

2008-03-14T09:55:00.002+01:00

Gleðilegan föstudag!

Ég get ekki orða varist. Ég vaknaði við hávaða og hristing enn og aftur. Þegar ég leit á klukkuna þá ætlaði ég að missa andlitið. Klukkan var 6:30 og þeir voru komnir á fullt skrið í að brjóta og bramla stéttina fyrir framan rúðuna okkar!

6:30!!!!!

En ég dó nú ekki ráðalaus, heldur tók ég sængina mína og koddann, og fór fram í stofu, lokaði svefnherbergishurðinni, og lagði mig í sófann - og þar svaf ég!

Hávaði

2008-03-13T10:20:00.002+01:00

Það er verið að gera við stéttina fyrir aftan húsið og það hefur farið alveg ótrúlega mikill tími í spottann einmitt fyrir neðan herbergisgluggann okkar. Þtta væri nú ekki í frásögur færandi nema fyrir það að þeim finnst voða sniðugt að byrja stundum fyrir klukkan 7, annars milli 7 og 8.
Ég er að verða alveg vitlaus á þessu!Hversu langan tíma getur eiginlega tekið að gera við smá vegspotta??

Og síðan hætta þeir alltaf um 10, ætli þetta sé bara hugsað sem alternatív vekjaraklukka fyrir gamla fólkið? "Jæja gamlingjar, enga leti, á fætur með ykkur!"

Búinn með prófið

2008-03-11T15:26:00.003+01:00

Nú get ég loksins farið að hanga á netinu og horfa á sjónvarpið með góðri samvisku.

Búinn að gera það með svo vondri samvisku undanfarið.

Ungverjaland eftir viku!

2008-03-09T18:13:00.003+01:00

Afi var í heimsókn hjá okkur um helgina, það var æðislegt. Fórum út að borða og fórum yfir allt varðandi Ungverjalandsferðina.

Erum orðin mjög spennt fyrir ferðinni, ég get ekki beðið eftir að fara í heilnudd og heitapott!!
Hljóp 5 km í dag, 4 km í gær, það er ekkert smá hressandi að skipta yfir í hlaupið eftir alla róunina og skrýtna skíðatækið eða hvað það nú er... Maður verður orðin fínn í nýja bikiníinu fyrir ferðina;)

Er að vinna í því að koma öllum myndunum af símanum hans Jóns yfir á tölvuna, virkar eitthvað heldur illa, vil síður setja inn þetta PC Suite sem gerði tölvuna hans Jóns bilaða um daginn:/ Afhverju þarf alltaf að gera nýja tækni svona flókna, þetta á að vera einfalt og þægilegt finnst mér, annað er bara pirrandi.

Yfir og út!

Búin að senda umsóknir!

2008-03-07T18:50:00.002+01:00

Jæja, þá er ég loksins búin að senda inn umsóknirnar fyrir háskólann í haust!

Ég er búin að vera að vinna í þeim í margar vikur, síðustu 3 vikurnar hef ég sífellt verið að skipta um skoðun um hvað mig langaði að sækja um og í hvaða röð, en í gær ákvað ég bara að ljúka þessu af.

Svona er priority röðin:

1. International Business
2. International Business & Politics
3. Business Administration & Service Management
4. HA (Jur)
5. Business, Language & Culture (með Þýsku sem tungumál)
6. HA
7. Erhvervssprog... Engelsk med Interkulturelle Marketing

Og svo kemur í ljós þann 29 júlí hvað ég enda á að gera næstu þrjú árin:)

5km

2008-03-05T16:12:00.001+01:00

21:42. Nú eru bara 130km eftir fyrir 1. maí

Hawaii Afmæli

2008-03-02T15:58:00.002+01:00

Fórum í samtals sextugsafmæli í gær á Sólbakken, sem er óopinbern nafn á húsi.

Þemað var Hawaii, eitthvað gleymdist þó að impra á fatareglum við okkur því allir voru í húllapilsum og kókoshöldurum (reyndar bara þrír en hljómar vel). Við fengum sett upp krans og svo var tekið til við að djamma og drekka og limbóast, ég náði ekki að limbóast niður fyrir metrann. Minnsta manneskjan á svæðinu náði ekki svo góðum hlutfallslegum árangri svo ég krýndi sjálfan mig Limbó kónginn við litla eftirtekt:)

Semsagt mjög gaman, takk fyrir mig og til hamingju með afmælið enn og aftur Hrönn.

Á leiðinni heim keyrðum við framhjá fólki í svörtum fötum stara á lögreglumenn í óeirðabúningum. Átti að vera töff en var rrekar vandræðalegt.

10km aftur

2008-03-01T16:30:00.000+01:00

nú á 47:12

Kenni setuverk um verra gengi.

Nýr mánuður

2008-03-01T12:21:00.000+01:00

Jæja fólk

Þá er kominn nýr mánuður - Mars. Til hamningju.

10.000

2008-03-01T12:19:00.001+01:00

46:34

Hlaupár

2008-02-29T13:29:00.003+01:00

29. febrúar kemur ekki á hverju ári. Sjalfgæf upplifun, ég hef einungis upplifað sex hlaupársdaga eða var 2000 hlaupár?

Allavega þá ætla ég að nota þennan dag vel. Rækt = þarf að ná þessu niðrí 150 km svo ég hafi séns á að ná 200 fyrir 1. maí. Matur = mat sem bragð er af. Skemmtun = eitthvað sem bætir áruna.

Gleðilegan hlaupársdag:)

Friprint

2008-02-28T18:31:00.002+01:00

Það er ekki hægt að nota tölvurnar í skólanum án þess að taka eftir auglýsingum frá FRIPRINT - print free forever.

Þeir eru semsagt með sérstakan prentara útum allt og hægt er að prenta frítt úr. Ég greip tækifærið þegar átti að skila ritgerð í þríriti, tæplega 40 blaðsíður eru vanalega dýrari en durum kebab.

En haha þetta voru bara MAX 20 bls þannig ég náði bara að prenta út eitt afrit.

Svo úff, þegar ég sá útprentunina er litprentuð auglýsing frá hinum ýmsustu fyrirtækjum á baksíðunni. Ég velti því fyrir mér stundarkorn hvort hinn skrifræðislegi heimur CBS myndi ekki segja það væri ófullnægjandi að skila ritgerð prentaðri á slík blöð. Tók ekki sénsinn og prentaði restina á venjulegu verði.

Enginn á bókasafninu vissi neitt um hvort það mætti eða mætti ekki skila ritgerð á frípappír. Þegar ég skilaði ritgerðinni datt mér í hug að spyrja aftur. Þar sem enginn hafði velt því fyrir sér hjá rigerðamóttökuskrifstofunni heldur stakk konan uppá að hún fengi fría afritið hjá mér til að spyrja THE STUDY BOARD.

Ég stuðlaði semsagt að gáfaðari heimi í dag, ef vitsmunaleg niðurstaða fæst í þetta sem bókasafnsverðir verða meðvitaðir um. Svona þegar næstu fyrirspurnir koma:)

Ritgerð

2008-02-27T13:44:00.000+01:00

Úff, rigerðin alveg að klárast.

Rosalega verður gott að vera búinn með þetta.

Óskarinn

2008-02-25T01:10:00.003+01:00

Atli skildi ekkert í mér fyrir að vera að horfa á biðröð í sjónvarpinu um miðja nótt.

Svo ég er farinn að sofa.

Vi venter

2008-02-25T01:08:00.002+01:00

Ég myndi ekki segja að við værum ekki óánægð með það að Óskarsverðlaunahátíðin er sýnd svona seint.

Geta þessir kanar ekki haft viðburði á kristilegum tímum?

Rugby

2008-02-24T14:26:00.002+01:00

Það styttist í að við förum í alvöru leik í rugbyinu í stað þess að æfa og leika okkur.

Verst að ég er svo lélegur í að muna reglur, klikkaði iðulega á 3 sekúndna reglunni í körfunni. Hún er líka leiðinleg.

Kjúklingur

2008-02-23T20:16:00.002+01:00

Bryndís er að elda meistarajkúlla, meðlætið er svo flókið ég nenni ekki að útskýra það.

Lífið er gott

Gufusoðið grænmeti

2008-02-21T11:30:00.002+01:00

Ég eldaði kjúklingabringur með gufusoðnu grænmeti í fyrradag.

Átti mjög erfitt með að fá elsku Jón minn til að borða grænmetið sitt.

Endaði með að ég prófaði flugvélatrixið á hann.. og það virkaði!!! :-D

Hann er klárlega sætasti kærastinn í heiminum:)

Veikindaupdate:
Komin vika, er orðin heldur góð, en virðist ekki ætla að ná kvefinu úr mér...

Skýjað

2008-02-20T16:57:00.003+01:00

Ef þú veist eitthvað um Reinhard Bendix ættiru að vita hvað ég er að gera núna.

Annars eru veikindin hægt og rólega að sefast í mér, þau verða reyndar í nokkra daga að maula en það verður að hafa það. Rækt bíður færis heilsu og hitaleysis.

Rop

2008-02-19T20:30:00.002+01:00

Geri ekki annað á veikindanæturnar núna en að ropa.

Ropa ropa ropa

Við vorum þarna

2008-02-18T23:42:00.001+01:00

Sumarið 2006, með 700.000 þúsund Þjóðverjum.

Deutsche Bahn AG

2008-02-18T23:38:00.001+01:00

Dagurinn í dag var góður dagur, helsta minningin er mjög svipuð þessu

Achtung

2008-02-18T23:31:00.002+01:00

Skelltum okkur til Þýskalands í dag. Tókum lestina, það var gaman, Þjóðverjar eru æði.

Hver veit nema maður taki skóla þar...

Þegar ég skráði mig inn

2008-02-17T22:43:00.002+01:00

Sá ég að 39 manns vildu bæta okkur á vinalistann sinn.
1 vildi að ég spilaði póker.
14 vildu vita hvað ég myndi borga fyrir aðra vini.
2 Vampírur bitu mig.
4 skoruðu hátt á kvikmyndaskoðanakönnun.
7 Tögguðu okkur í albúmi.
3 skrifuðu á FunWall
4 skrifuðu á SuperWall
1 skrifaði á Wall
og Aggi pókaði mig
Daði á afmæli í dag.

Eitthvað lið breytti myndinni sinni.

Svona er lífið orðið, þetta Facebook líf.

Afmælisveisla + Gestir + Flensa

2008-02-17T22:21:00.002+01:00

Það hefur gengið á með skemmtun og starfssemi síðustu dagana.

Við héldum uppá afmælið hjá Bryndísi með djammi og karíókí, myndir á Facebook hjá Sabba. Kannski mun maður setja myndir inn við tækifæri. Ég söng Vertigo og rústaði laginu, bókstaflega.

Halldór og Líney komu í heimsókn í vikunni, mjög gaman að hafa þau í heimsókn.

Kebab kvöld á Föstudaginn, kannski koma inn myndir bráðum.

Svo kom Flensan ég er brjálaður, myndir á leiðinni

Met

2008-02-17T22:20:00.000+01:00

20:56 og 155 km eftir

Hlýtt og Snemmt vor

2008-02-09T17:29:00.000+01:00

Það er byrjað að hitna aðeins og vora hér hjá Baununum. Fór út að hjóla áðan án trefils, ég hef ekki gert það frá því í okt. Vonandi helst þetta eitthvað frameftir

Það verða eflaust viðbrigði fyrir einhvern að það sé síhiti úti. Reyndar erum við ekki með svalir svo það hefur ekki reynt mikið á kæligetu Sjálands, ísskápurinn hefur séð um þetta fyrir mitt leyti.

Í kvöld stefnum við á veitingastað til að halda uppá afmæli Bryndísar. Vonandi fæst þýskur Paulainer

Bryndís snoðaði mig um daginn, svo nú er ég "gullfallegur" eins og hún segir það.

160 km eftir

2008-02-09T15:49:00.000+01:00

Sæll Faðir

Ég hef syndgað, það eru 3 skipti frá síðustu Ræktarfærslu minni.

Fyrsta skiptið 23:27
Annað skiptið 22:59
Þriðja skiptið 21:49

40 km komnir í hús. Ef ég fer þrisvar á viku til 1. maí ætti þetta að takast.

Fødselsdag

2008-02-08T13:07:00.000+01:00

I dag er det Bryndís fødselsdag!
Hurra! Hurra! Hurra!
Hun sikkert sig en gave får
som hun har ønsket sig i år
og dejlig chokolade med kage til.

Hvor smiler hun, hvor er hun glad
Hurra! Hurra! Hurra!
Men denne dag er også rar,
for hjemme venter mor og får
med dejlig chokolade med kage til.

Og når hun hjem fra skolen går,
Hurra! Hurra! Hurra!
Så skal hun hjem og holde fest,
og hvem der kommer med som gæst,
får dejlig chokolade med kage til.

Til slut vi råber højt i kor.
Hurra! Hurra! Hurra!
Gid Bryndís længe leve må
og sine ønsker opfyldt få -
og dejlig chokolade med kage til.

Íraksstríðið

2008-02-05T18:01:00.000+01:00

Þegar Íraksstríðið byrjaði vissu allir að stríðið myndi klárast um sumarið. Fjölmiðlar sögðu það.

Það er enn í gangi, fann flotta síðu á netinu þar sem hægt er að skoða átakasvæði og helstu bardaga herja bandalagsins sem við vorum/erum í.

http://www.obleek.com/iraq/

Best að hafa hljóðið á.

Trúarbragðafræði

2008-02-05T16:53:00.001+01:00

Tantalite

2008-02-03T18:08:00.001+01:00

Fann æðislega heimasíðu, http://www.projectcensored.org/. Síða sem fjallar um hluti sem fréttafæribandið færir manni ekki.

Til dæmis er verið að tala um stríðið í kringum námuvinnslu Columbo-tantalite, málmur sem notaður er í öll helstu rafmagnstæki.

Í stuttu máli eru hinir og þessir vopnakallar sem hafa frá því rafmagnstækjaöldin hófst tekið yfir helstu námur á besta Columbo-tantalite svæði heimsins, Kongó. Svo selja þessir vopnakallar efnið til hrávöruframleiðanda eins og Cabot Corp.

Þeir selja það svo áfram til Nokia, Sony og allra annarra rafmagnstækjaframleiðenda.

Hvernig væri utan á kössunum fyrir allar rafmagnsvörur myndi standa "Varúð! Þetta tæki er framleitt úr hrávöru frá mið-afríku. Sú hrávara er sjaldgæf, óendurnýjanleg, hefur fjármagnað blóðugt stríð yfir yfirráðum námusvæða og hefur orsakað útrýmingu af dýrum sem voru í útrýmingarhættu."

26:58

2008-02-02T18:53:00.000+01:00

Eingungis höndur í gær, síðustu 100 af hverjum km með öfugt tak.

Danskar fyrirsagnir

2008-02-01T13:17:00.000+01:00

Obama er mest venstreorienteret

Jagten på Britney er ude af kontrol

Bankansatte skal overvåge kunder

Hver sjette københavner er fattig

Nedtællingen er i fuld gang til Super Bowl

20 km komnir 180 eftir

2008-01-30T19:49:00.000+01:00

Tók 5 km á 22 mínútum sléttum. Var í nettri keppni við gaurinn við hliðina, við byrjuðum á sama tíma og ég náði 100 metra forskoti á fyrstu 500 metrunum og hélt því allt til enda. Var reyndar kominn með 170 metra forskot í blárestina.

Þetta voru víst 300 kaloríur samkvæmt vélinni

Facebook rugl

2008-01-28T23:42:00.000+01:00

Prófessorarnir í CBS halda að Facebook sé álið. Þeir nota Facebook sem dæmi um hvernig internetið og samskipti manna þróast með tilkomu nýrrar tækni.

Umræðan í frímínútum(:)) snerist að miklu leyti um hversu ofmetið fyrirbærið er og hversu mikil upplýsingamengun er í gangi á Facebook. Fyrst höfum við "Wall" svo "SuperWall" svo "FunWall" svo "Poke", "SuperPoke" og "FunPoke. Að ekki sé talað um hina endalausu getraunir, ruslpóst sem fólk sendir (sendu þetta og 6 evrur fara til Unicef), einnig allskyns ófreskjur sem ráðast á aðra og svo er jafnvel hægt að kaupa vini annarra og bjóða fólki uppá rosalegt fyllerí.

Ég hef spáð fyrir um dauða Facebook og held mig við þann spádóm. Ofmetið ferlíki sem mun á endanum verða eins og gömlu "blogspot" heimasíðurnar:)

Atli

2008-01-28T19:51:00.001+01:00

Hann er svo sætur

Annað slagið Rækt

2008-01-28T19:48:00.000+01:00

Fórum í tíma í gær, tókum 5km á róðrartækinu.

Af markmiði mínu fyrir 1. maí (200km) er ég kominn með 15 km.
Fyrsta skiptið eftir áramót 23:37
Annað skiptið 22:57
Þriðja skiptið, fætur fastir einungis hendur notaðar 26:37.

Það verða reglulegar uppfærslur eftir því sem ég mæti í ræktina.

Grasekkill

2008-01-17T00:56:00.000+01:00

Næstu dagana verð ég aleinn hér á Fogedgården, Bryndís komin til föðurlandsins enn á ný.

Við Sabbi munduðum eldhúsið og steiktum borgara áðan, beikon til hliðar og alíslensk hamborgarasósa yfir það heila.

Bandaríkin

2008-01-10T16:59:00.000+01:00

Eftir að skóla sleppir í sumar hefst Bandaríkjaferðin. Ferð sem mun teygja anga sína eins víða og hægt er á einu sumri án þess að sleppa afslappelsi á ströndum landsins.

Stúfur gaf okkur ferðahandbók um helstu staði sem aðrir ferðalangar hafa mælt með á þessu víðfema svæði. Næsti mánuður eða svo fer í að plana smáatriðin varðandi hvaða borgir skal skoða, hvaða sveitir skal skoða, hvaða frægu staði skal skoða og hvaða fólk skal tala við og umgangast.

Svo náum við vonandi að sjá endurgerð af helstu orrustum Þrælastríðsins.

Meira seinna

Hvít Jól

2008-01-10T16:48:00.000+01:00

Fengum hvít jól í ferðinni til föðurlandsins. Fengum líka allskyns góðgæti að borða og þökkum við kærlega fyrir það.

Danir eru búnir að taka niður allt jólaskrautið, voru reyndar ekki búnir að setja það upp þegar við fórum 20. des. Ég held uppi jólaskreytingum okkar enn um sinn, enda talsvert myrkur enn um sinn hér hjá Baunum.

Það fer reyndar að styttast svolítið í vorið og sumarið, hlakkar til:)

Ferð

2007-12-20T15:55:00.000+01:00

Já

Við erum á leiðinni heim í útlandaferð:) Jibbý

Sjáumst í Keflavík

Hvernig á að fallbeygja kýr?

2007-12-17T18:27:00.000+01:00

ET: Hér er kýr um kú frá kú til kýr.
FT: Hér eru kýr um kýr frá kúm til kúa.

Ferðalög fyrirmenna

2007-12-09T00:33:00.000+01:00

Eftir nokkra daga höldum við heim á leið, munum taka með okkur 2 ferðatöskur, veski og síma. Með í ferðinni verða 2 kokkar og einn lífvörður. Tækin með í för eru lest, breiðþota og nokkrir einkabílar hér og þar við ýmis tilefni.

Ekki alveg Forseti Bandaríkjanna, en...

I love you inside Ed

2007-12-08T03:04:00.000+01:00

Lagið okkar Thelmu Hrannar ;)
Við munum frumsýna það á öldum ljósvakans innan fárra ára..

Hundur eða köttur?

2007-12-07T14:23:00.001+01:00

Var á netinu að skoða myndir af hundum og köttum, smá rannsóknarvinna fyrir framtíðina, og þá fann ég þennan.. er ekki viss hvað þetta er, vitið þið það?

Tölvuleikir

2007-12-06T13:55:00.000+01:00

Búinn að vera mjög áhugasamur um þennan leik http://leikjanet.is/?gluggi=leikir_spila&leikur=1212 eftir að ég fór yfirum í Warlords 2.

Ég virðist ekki hafa náð að þroskast yfir á þrívíða leiki, ég er enn fastur í þeim tvívíðu.

Söngleikjamyndir

2007-12-06T12:44:00.000+01:00

Öðlaðist neitunarvald á söngleikjamyndir í gær.

Shawarma

2007-12-05T18:37:00.000+01:00

Gat illa sofnað í gærkveldi þar sem ég var svo mikið að hugsa um nýfengna hugmynd mína um að búa til Kebab. Fór meiraðsegja í tölvuna til að gera réttu kryddblönduna.

Svo í morgun verslaði ég ost, gular baunir og jógúrt. Steikti kjúkling og bætti við kryddblöndunni, lyktin var eins og á Purble Onion í gamla daga.

Gerði plattann og sósuna, kryddaði hvern bita og át og át og át...

Í óðagotinu gleymdi ég að taka mynd en þið getið farið á Habibi (þ.e. þegar hann opnar aftur eftir endurbætur á húsinu sínu) og séð alvöru platta.

Aaaah hvað þetta var gott, held ég geri þetta aftur á morgun. Jafnvel geri mitt eigið brauð í þetta skipti, Hjemmelevet.

Og ykkur til upplýsinga þá er mjög lítið um aðra skyndibitastaði en Kebab staði að ræða í Kóngsins Kaupmannahöfn. Einstaka Pylsusalar niðrí bæ en þess utan eru það Kebab staðirnir sem eiga vinninginn, enda ekki skrýtið.

Ný frétt

2007-12-04T21:01:00.001+01:00

Oral Exam á mánudaginn, best að byrja að hætta að slóra og klára skólann svo maður komist í langþráð frí.

Afmæli

2007-12-02T15:03:00.000+01:00

Við eigum afmæl'í dag, við eigum afmæl'Í DAG!!!

VEIII!!

Í dag á samband okkar Jóns eins og hálfs árs afmæli, sem þýðir að það er byrjað að tala og hætt að ganga með bleyju :D
Við ætluðum að halda upp á það, en Jón þarf að fara á fótboltaleik... ;)

Viva la romance!

STOP

2007-12-01T18:27:00.000+01:00

Var að velta því fyrir mér meðan ég var í strætó áðan hvort það: að giska hvenær ýtt verður á stop takkan sé hið óvænta sem strætóbílstjórar bíða eftir meðan þeir vinna?

Annars labbaði ég Strikið í dag, hitti engann sem ég þekki þrátt fyrir almenna íslensku hér og þar.

Veskið týnt!!

2007-11-28T15:04:00.000+01:00

Það gerðist alveg ömurlegur hlutur í dag.
Á leið heim úr skólanum týndi ég veskinu mínu.
I kid you not.
Aflæsti hjólinu fyrir utan skólann, skundaði heim á leið, en þegar þangað var komið var veskið með lyklunum farið.

Þar sem ég geymi bæði lyklana mína og kortin í þessu litla sæta bláa veski þá kallaði þetta á major breytingar.
Ég er búin að láta loka kortunum og er að fá til mín lásasmið til að skipta um læsingu (það vill nefninlega svo skemmtilega til að sygesikringskortið mitt er líka í veskinu, með heimilisfangi og alles :S)

UUURRGGGhh, ég er brjáluð!

Skattar

2007-11-26T15:03:00.000+01:00

Í kjölfar frétta um beitungu George Bush á neitunarvaldi vegna fyrirhugaðra breytinga á heilbrigðiskerfi Bandaríkjanna, fór ég að skoða skattakerfið þeirra.

Það er ekki auðvelt.
Ég leitaði hátt og lágt, googlaði og komst svo inn á IRS síðuna, eða "skattstofu" Bandaríkjamanna.
Þar er að finna ýmsar upplýsingar og enn fleiri eyðublöð, hvert öðru flóknara... en engar tölur.
Í raun og veru skil ég ekki hvernig í ósköpum eðlileg manneskja getur fyllt út skattframtalið sitt þarna - þrátt fyrir gífurlegar gáfur mínar þá átti ég erfitt með einu sinni að vita hvar maður ætti að skrifa nafnið sitt!

Sjá dæmið hér að neðan, þetta er eitt einfaldasta eyðublaðið:
http://www.irs.gov/pub/irs-pdf/f1040.pdf

Síðan missteig ég mig inn á Wikipedia, og þá fór ég loksins að nálgast markmiðið.
Þar voru tölur yfir skatta í m.a. UK, Ástralíu ...og að sjálfsögðu USA.

Þetta minnti mig dálítið á málið með The Bradley, bardagatólið úr The Pentagon Wars (algjör must-see mynd).
Ástæðan er sú að sama hringavitleysan virðist hafa gerst í uppbyggingu skattakerfisins.

Það virðist vera að einhver starfsmaður skattsins hafi fyrir 40 árum búið til eyðublað. Síðan kom aðili númer tvö og fannst þetta voða sniðugt, en það væri enn sniðugra að bæta við reit fyrir heimilisköttinn, setjum hann bara ...emm...þarna á milli (strok strok, strika yfir, krot krot).

Síðan kom sá næsti.
Nr 2"Já, þetta er ágætis plagg, en nú ætlum við að skattleggja barnabætur til að eiga fyrir lágmarks heilbrigðisþjónustu"
Grafískur hönnuður: "En það er ekki pláss þarna, eigum við ekki bara að búa til einfalt fylgirit sem þarf að fylla út ef við á?"
Nr 2: "Nei! Það gengur ekki, vippaðu þessu bara þarna á milli, og settu bara ör sem bendir þangað, já og neðanmálsgrein til að koma fyrir smáa letrinu, já og hafðu eina punktalínu hér, en ég vil ekki hafa punktalínu í næstu grein, þar vil ég hafa... emm... ör og kassa!"

Og svona hélt það áfram næstu 40 árin, þar til skattarnir voru komnir "niður í" 35%, búið var að leggja niður heilbrigðisþjónustuna, og einfaldasta eyðublaðið var komið í 76 liði, þar af suma með 3-4 undirliði.
Þetta er orðið eins og með kosningaeyðublöðin, þú þarft að vera með háskólapróf til að skilja það, og jafnvel þótt þú gerir þitt besta til að svara rétt, þá endarðu með vitlausan forseta, skattinn á hælunum og ógreiddann VISA reikning - og þegar stressið leiðir til hjartaáfalls þá er það eina að biðja til guðs, því spítalinn tekur ekki við þér, skuldugum manninum.

Voru ekki Bandaríkjamenn á móti skattlagningu, er það ekki ástæðan fyrir að ekki er hægt að vera með velferðarkerfi né halda úti almennilegu opinberu skólakerfi?
En hvað veit ég, litli skandinavíubúinn sem borga heil 38% í skatta og þarf að lifa við það ófrelsi og kúgun sem fylgi ókeypis heilbrigðisþjónustu, ókeypis skólum, og svo framvegis. Þetta jaðrar við...þori ég að segja það, bera fram nafn kölska?.... sósíalisma... NEEEEEIIIIII!!!!

Ég ætla samt að láta mig hafa það, vegna þess að það er svo skemmtilegt að hjóla hérna úti í Danmörku.

Enn og aftur - ég mæli með Pentagon Wars, see it or be it..

Virka forvarnir?

2007-11-22T18:25:00.000+01:00